زندگی میں بہت سی باتیں ایسی جو آسانی سے سمجھ میں آجاتی ہیں۔ لیکن بعض اوقات اگر کوئی شخص ایک چھوٹی سی بات ہمیں سمجھائے تو وہ ہماری سمجھ میں نہیں آتی اور ہم اسے سمجھنے کے لئے ایک ایسے سفر پر نکل پڑتے ہیں جس کا انجام ذلت، رسوائی ، بھوک ، قید اور موت کے تحفے کی شکل میں نکلتا ہے۔
کسی ملک میں ایک پہلوان اپنی شہ زوری کے باوجود مفلسی کا شکار تھا ۔ اپنے وطن میں روزی حاصل کرنے میں ناکامی ہوئی تو باپ سے پردیس جانے کی اجازت مانگی۔ باپ نے سمجھایا کہ صرف طاقتور ہونا کامیابی کی علامت نہیں۔ پانچ افراد ایسے ہیں جنہیں سفر راس آتا ہے۔ امیر کبیر سوداگر، خوش آواز مغنی، ، عالم، خوب رُو اور پانچواں وہ شخص جو کوئی ہنر جانتا ہو۔ پہلوان نے باپ کی نصیحت کو بے دلی سے سنا اور سفر پر نکل پڑا۔ ایک کشتی میں سوار ہوگیا ۔ راستے میں ایک ویران جزیرہ دیکھا تو سستانے کے لئے اتر گیا۔ تھکاوٹ کا غلبہ اتنا تھا کہ جب سوکر اٹھا تو اگلا سورج غروب ہونے کو تھا۔ ادھر اُدھر دیکھا لیکن کشتی کا نام و نشان تک نہ تھا۔ دودن اور دو راتیں اسی جزیرے پر بھوکا پیاسا بیٹھا رہا۔ پھر کچھ نقاہت اور نیند کے غلبے سے دریا میں گر پڑا ۔ لیکن اس کی زندگی باقی تھی ، دریا کی لہروں نے اچھال کر کنارے پر پھینک دیا یوں وہ مچھلیوں کی خوراک بننے سے بچ گیا۔ پہلوان کو یہ معلوم نہ تھا کہ اپنے وطن سے کتنی دور اور کس علاقے میں ہے۔ لیکن زندگی باقی ہو تو غیب سے سامان پیدا ہوجاتا ہے۔ ایک شہزادہ شکار کھیلتا ہوا اس طرف آنکلا ۔ پہلوان کی کہانی سنی تو آبدیدہ ہوا۔ خاص آدمی کی ذمہ داری لگائی کہ اسے اس کے وطن پہنچادے اور یوں پہلوان چہرہ لٹکائے وطن واپس پہنچ گیا۔۔
چھوٹی سی بات
جواب دیں
خالد حمید 